‘Măng năm tơmang đơ̆ng Thủ tướng hlôi jơnei ‘lơ̆ng hơ iă, iŏk đei keh kong trong tơlĕch jang hăm lơ jơnei git kăl, tơgop hơmet pơ ‘lơ̆ng păng atŏk kơtang tơgoăt tơgoăl dih băl, jang hơdoi hăm pêng teh đak. Kơdră chĕp pơgơ̆r rim teh đak hlôi sơng hơvơn ‘lơ̆ng liĕm, ‘măn jơhngơ̆m đon kŭp yom hăm kơdră chĕp pơgơ̆r teh đak bơ̆n tơƀôh hơdăh pơđĭ pêng teh đak jei lăng kăl tơdrong tơgoăt tơgoăl hăm Việt Nam lơ̆m trong bơ̆ jang “Lăng truh păh Hơlĕch”, adoi lăng Việt Nam jing teh đak jang hơdoi tơm dơnơm hloh tơ̆ Đông Nam Á. Dôm tơdrong iŏk đei jơnei lơ̆m ‘măng năm tơmang đơ̆ng Thủ tướng teh đak gô đei tơlĕch jang kiơ̆ ‘lơ̆ng hơ iă, tơgop lơ̆m hơnhăk tơdrong tơgoăt tơgoăl ‘lơ̆ng hơ iă păng jang hơdoi tôm tong ƀar păh Việt Nam hăm UAE, Ả-rập Xê-út păng Qatar roi năr roi atŏk tơ iung tôm tong, lang să, hơnhăk đei iŏk yoa ‘lơ̆ng liĕm ăn kon pơlei, hơnih mơdro sa ƀar păh, tơgop lơ̆m rơngei hiôk hian, sơđơ̆ng păng atŏk tơ iung kơ tơring păng apŭng plĕnh teh adoi nhen tơgop lơ̆m ba teh đak Việt Nam iung yak pran kơjăp iăp kơtang hloh dơ̆ng lơ̆m chăl hle, chăl atŏk tơ iung kơ hơdrĕch hơdrung.