Tơ̆ jơ sơng, Thủ tướng Phạm Minh Chính pơma hơdăh Việt Nam ling lang lăng kăl păng trong jang hơtŏk loi dơ̆ng jang hơdai tôm tơdrong hăm Bỉ, kŭm nhen hăm dôm tơring păng tơpôl kơ teh đak Bỉ; lăng ‘lơ̆ng ‘măng năm ngôi tơ̆ Việt Nam đơ̆ng Kơdră tơm - Kơdră chĕp kơ̆l tơring Flanders kŭm hăm khŭl 30 anih mơdro sa tih kŭm nhen tơdrong bơ̆jang lơ hăm dôm Anih tơm, anih jang, tơring kơ Việt Nam.

Thủ tướng Phạm Minh Chính athei Kơdră tơm - Kơdră chĕp kơ̆l tơring Flanders hơnơ̆ng bơngơ̆t truh hơtŏk tơiung tơdrong pơvei hăm Việt Nam, mă loi ‘noh jĭ găh jang hơdai, mơdro sa păng tơmơ̆t jên jang, tơgop pơm pơtrŭt păng hơmet ming hloh dơ̆ng tơdrong pơvei Việt Nam - Bỉ. 2 păh drơ̆ng nơ̆r hơtŏk loi dơ̆ng jang hơdai găh choh jang sa kơjăp, tơmơ̆t jên jang ming man păng kôch hơmet dôm trong đak; tơchĕng hơlen pơjing trong jang hơdai ‘nao đơ̆ng tơring Flanders păng dôm tơring kơ Việt Nam vă hơtŏk ‘lơ̆ng, đei yua jang hơdai đơ̆ng Việt Nam păng Bỉ.