Tơ̆ jơ sơng, ƀar păh hôn bơnê tơdrong atŏk tơ iung kơtang kơ tơgoăt tơgoăl jang hơdoi rim tơdrong kơ ƀar teh đak. Tơgoăt tơgoăl chinh trĭ roi năr roi kơjăp iăp kơtang. Rim tơdrong jang hơdoi tơm anai nhen vei lăng sơđơ̆ng teh đak, sơđơ̆ng tơring, joh ayŏ, pơtho pơhrăm păng jang hơdoi ƀar păh rim tơring Việt Nam-Lào jei đei lăng ba kơjăp păng atŏk tơ iung ‘lơ̆ng liĕm. 

Thủ tướng Teh đak Phạm Minh Chính athei rim hơnih tơm, hơnih jang ƀơm truh kơ ƀar teh đak tĕnh koăng dăr lăng hơlen rim tơdrong jang hơdoi; vang jang hơdoi xek tơlang rim tơdrong tơhlăk tơhlĭn kơ rim tơdrong vă jang hơdoi kăl; vang kơrŭn jơhngơ̆m hơnhăk tơgoăt tơgoăl jang hơdoi ƀar teh đak atŏk tơ iung hle, roi năr roi atŏk kơtang păng iŏk đei jơnei hloh dơ̆ng.