Tơ̆ jơ sơng, Thủ tướng Phạm Minh Chính sơkơ̆t hơdăh, Việt Nam ling lang lăng kơjăp tơdrong tơgoăt tơgoăl Jang hơdoi tôm tong hăm Hoa Kỳ, hôn bơnê kơtang dôm tơdrong atŏk tơ iung pran kơtang lơ̆m tơgoăt tơgoăl mŭk drăm-mơdro sa-tơmơ̆t jên jang kơ ƀar teh đak.

Thủ tướng pơma hơdăh, Việt Nam sơkơ̆t hơdăh, tơdrong vei lăng năng tông jơhngơ̆m pran jăng, vei lăng akau jăn kơ kon pơlei ‘noh jĭ tơdrong jang tôch git kăl; athei Abbott atŏk kơtang tơmơ̆t jên jang, jang hơdoi lơ̆m rim tơdrong mă Việt Nam tŏk bŏk lăng truh nhen: atok kơtang kĕ jang, jơhngơ̆m pran jăng kơ bơngai Việt, lơ̆m au đei tơdrong bek ‘lơ̆ng; atŏk tơ iung hơnih jang kmăi kmŏk pơm tơlĕch pơgang, kmăi kmok sinh hŏk…Kơdră chĕp pơgơ̆r Grŭp jang Abbott hmach chơt hơ iă kơ Việt Nam hlôi yak hơlau lơ̆m tơring găh tơdrong bek ‘lơ̆ng, hăm dôm trong jang hơ iă mă lơ teh đak anai gơ̆h vă hŏk kiơ̆. Abbott pơkăp tơmơ̆t jên jang, mơdro sa đunh đai tai sơnăm tơ̆ Việt Nam păng gô jang hơdoi kơjăp hloh dơ̆ng hăm Việt Nam lơ̆m rim tơdrong mă Thủ tướng hlôi pơma truh.