Gơmăng năr 23/10 (kiơ̆ jơ tơring), lơ̆m rim tơdrong jang vang năm Hop akŏm Kơdră kơpal rim Kơdră chĕp pơgơ̆r BRICS pơih să tơ̆ Kazab, Liên bang Nga, Thủ tướng Teh đak Phạm Minh Chính tơƀơ̆p Ƀok kơdră tơm Thổ Nhĩ Kỳ Recep Tayyip Erdogan. Thủ tướng Teh đak sơkơ̆t hơdăh lăng kơjăp tơgoăt tơgoăl ‘lơ̆ng hơ iă păng jang hơdoi ‘lơ̆ng liĕm Việt Nam - Thổ Nhĩ Kỳ; ‘meh vă rim hơnih mơdro sa Thổ Nhĩ Kỳ lăng kơjăp tơmơ̆t jên jang lơ hloh dơ̆ng tơ̆ Việt Nam. Ƀar ‘nu Kơdră chĕp pơgơ̆r drơ̆ng mĭnh nơ̆r atŏk kơtang pơma dơnuh dih băl, tơƀơ̆p dih băl ƀar păh Kơdră kơpal ƀar teh đak; hrôih hơtŏk kơtang hloh dơ̆ng tơgoăt tơgoăl ƀar teh đak; pơtrŭt kơtang tơgoăt jang hơdoi mŭk drăm, mơdro sa tơgăl hăm tơdrong đei, hơdrin iŏk đei tĕch mơdro dih băl truh 4 ti USD, adoi chă tơchĕng hơlen pơjing dôm trong ‘nao vă pơjing rơvơn hloh dơ̆ng ăn mơdro sa păng tơmơ̆t jên jang.

Hơdrol kơ ‘noh, tơ̆ pơlei tơm Kazan, Liên bang Nga, Thủ tướng Phạm Minh Chính tơƀơ̆p kon pơlei Việt Nam tơ̆ Nga.