Tơ̆ jơ tơƀơ̆p, Thủ tướng Phạm Minh Chính tơƀôh jơhngơ̆m đon chhôk hơiă găh dôm tơdrong ‘lơ̆ng gĭt kăl lơ̆m pơvei 2 pang khei ‘năr âu ki, mă loi ‘noh jĭ tơdrong 2 teh đak tơmơ̆t hơdai tơdrong pơvei Jang hơdai gĭt kăl tôm tơdrong yua kơ tơdrong rơngei, jang hơdai păng hơtŏk tơiung kơjăp ƀlep ƀơ̆t ‘măng năm ngôi, bơ̆jang tơ̆ Việt Nam âu ki đơ̆ng ƀok Kơdră tơm teh đak Biden.

Thủ tướng athei tơ̆ hơnăp kơnh, 2 păh hơtŏk loi dơ̆ng jang hơdai, jăh tơlĕch tơdrong pơvei ‘nao yak mơ̆t lơ̆m tơlĕch jang lơ̆m yan âu, lơ̆m noh lăng kăl tŭn pran jang hơdai lơ̆m dôm tơdrong jang nhen mŭk drăm - mơdro sa - tơmơ̆t jên jang, khoa hŏk - kơmăy kơmŏk, tơ jră hăm tơplih tŏ ‘mi kial.... Thủ tướng kŭm ‘meh vă Kuôk hô̆i Mi tơgŭm tơdrong Mi jăh drơ̆ng ăn tơdrong tơchơ̆t mŭk drăm tĕch mơdro ăn Việt Nam. 

Năr âu mơ̆n, Thủ tướng Phạm Minh Chính hlôi sơng Kơdră tơm vei lăng găh mơdro sa Mi; tơƀơ̆p Kơdră chĕp kơ̆l kơ Anih jang tơbôl Thượng viện Mi păng bơ̆jang hăm CEO kơ dôm anih mơdro sa, grŭp jang tih hloh kơ Mi lơ̆m tơdrong jang bán dẫn.