Tơ̆ tơƀơ̆p Thủ tướng Campuchia, ƀar păh drơ̆ng mĭnh nơ̆r tơlĕch jơnei rim tơdrong drơ̆ng mĭnh nơ̆r hlôi kĭ pơkăp ƀar păh teh đak; atŏk kơtang jang hơdoi, tơgoăt ƀar păh jang mŭk drăm, tơgop tơgŭm dih băl tơ iung pơjing jang mŭk drăm pơm tơm kơdih, iung jang kơdih tơklep hăm vang mơ̆t hơdoi apŭng plĕnh teh kơtang, tơpă păng jơnei.

Tơ̆ tơƀơ̆p Ƀok kơdră tơm Philippines, ƀar ‘nu Kơdră chĕp pơgơ̆r pơma hơdăh tơdrong ‘meh vă atŏk kơtang jang hơdoi ƀar păh Việt Nam păng Philippines vă tơgop tơjră hăm dôm tơdrong tơnap tap kơ tơdrong lơ̆m apŭng plĕnh teh păng tơring lơ̆m khei năr au ki. Lơ̆m tơƀơ̆p pơma dơnuh hăm Thủ tướng Singapore Lý Hiển Long, ƀar ‘nu Kơdră chĕp pơgơ̆r sơkơ̆t hơdăh atŏk kơtang tơƀơ̆p dih băl vă dăr lăng păng pơma dơnuh trong jang hơmet pơ ‘lơ̆ng tơnap tap, tơhlăk tơhlĭn păng pơjing rơvơn ăn jang hơdoi lơ̆m lơ tơdrong. Ƀar Thủ tướng hlôi pơma dơnuh găh trong jang yak truh atŏk kơtang tơgoăt tơgoăl ƀar teh đak jing Tơgoăt tơgoăl Jang hơdoi tôm tong lơ̆m khei ‘năr trŏ lăp hloh. Ƀar ‘nu Kơdră chĕp pơgơ̆r hlôi pơma dơnuh găh dôm tơdrong vă iung jang hơdrol, tơdrong kăl lơ̆m atŏk tơ iung jang hơdoi mŭk drăm Việt Nam – Singapore.