Hop akŏm jĭ jơ rơvơn vă rim kang ƀô̆ Công đoàn, đoàn viên, kang ƀô̆, bơngai jang kiơ̆ yok ‘lơ̆ng hơnăp jang păng sơnong jang đơ̆ng kơdih lơ̆m tơlĕch nơ̆r, pơchoh ăn trong pơm hơtŏk kơtang atŏk jang đei jơnei, tơgop pơm atŏk tơ iung teh đak pơdrŏng hơnŭk hơnoa.

Lăp đơ̆ng rŏng mơ̆ng rim nơ̆r tơgop, pơma dơnuh Thủ tướng Phạm Minh Chính hlôi pơma dơnuh hăm rim ‘nhŏng pơmai oh kŏng nhân, kang ƀô̆, bơngai jang, kang ƀô̆ Kŏng đoàn. Thủ tướng athei đĭ đăng ‘nhŏng pơmai oh kŏng nhân, bơngai jang atŏk kơtang hơnăp jang kơ bơngai jang vang iung jang kơtă lơ̆m pơm tơlĕch tơmam drăm, pơjing đei mŭk drăm păng jơhngơm đon ăn tpơpôl. Hơnơ̆ng atŏk kơtang hŏk pơhrăm tơdrong jang, pơm hơtŏk jang gơ̆h hơgei; Pơm hơtŏk hơnăp jang, tơchăr hơgei pơm ăn bơ̆ jang ‘lơ̆ng hơ iă hloh, jơnei hloh dơ̆ng.