Iung pơma tơ̆ hop akŏm, Thủ tướng Teh đak Phạm Minh Chính pơma hơdăh, lơ̆m pơđĭ Hơnih jang kăl tơpă tơgoăt tơgoăl, kơrŭn đĭ ai iung jang kơtang vă trŏ lăp hơbĕch hơbal, jơnei, pơgĕnh rơvơn ‘nao lơ̆m atŏk tơ iung hơnih jang choh jang sa; iung jang kơtang vang mơ̆t hơdoi apŭng plĕnh teh tôm tong, hlom kơtang, tơpă, jơnei.

Jang kiơ̆ keh đang trong tơlĕch jang lơ̆m sơnăm 2024 ‘nŏh tŏk đei đơ̆ng 3,5-4%. Thủ tướng Phạm Minh Chính lui, hăm tơdrong joăt joe tơplih ‘nao, tơchăr hơgei, iung jang kơtang đơ̆ng Trung ương truh tơ̆ tơring, Hơnih vei lăng Choh jang sa păng atŏk tơ iung tơring tơrang gô hơnơ̆ng atŏk tơ iung kơtang hloh dơ̆ng, tĕnh koăng hlŏh dơ̆ng, kơjăp hloh dơ̆ng, jang kiơ̆ jơnei rim trong tơlĕch jang, jang đei iŏk jơnei lơ̆m sơnăm 2024 lơ hloh sơnăm 2023; kon pơlei choh jang sa gô roi năr roi pơdrŏng, gơ̆h hơgei hloh; tơring choh jang sa gô roi năr roi gơ̆h hơgei, hơnŭk hơnoa, phăl hơlăng păng hơrih sa ‘lơ̆ng rŏ hloh dơ̆ng, tơgop lơ̆m tơ iung pơjing teh đak roi năr roi nuih mơng pran kơtang, pơdrŏng hơnŭk hơnoa.