Iung pơma tơ̆ pơm lêh, Thủ tướng Phạm Minh Chính sơkơ̆t hơdăh, ‘nau jĭ tơdrong pơgơ̆r kăl hloh kơ Hơnih jang Đak dau yuh soh đei tơdrong lăng ba kơjăp đơ̆ng rim hơnih bơ̆ jang, tơring păng kon pơlei.

Thủ tướng sơkơ̆t hơdăh, lơ̆m trong pơprŏ jang atŏk tơ iung yuh soh teh đak, Đảng păng Khul kơdră chĕp pơgơ̆r Việt Nam lăng kơjăp truh tơdrong kơjăp ‘lơ̆ng hơnih jang đak dau yuh soh Việt Nam, mă kăl ‘nŏh atŏk tơ iung jang kmăi kmŏk yuh soh. Lơ̆m au, pơtrŭt tơmơ̆t jên jang sir iŏk đak dau yuh soh lơ̆m hơgăt teh Việt Nam, mă kăl tơ̆ tơring đak jrŭ, hơtăih jih groi teh; tơlĕch jang tơchă iŏk đơ̆ng lơ̆m đak dơsĭ kơ Việt Nam pơjing pơm tơlĕch ŭnh hơyuh păng jang kmăi kmŏk au to.