Tơƀôh hơdăh đon jang tơnăp, tưk tơiung hơnăp jang đơ̆ng bơngai chĕp kơ̆l mưh pơgơ̆r bơ̆ jang; "lăp pơma nuh trong vă jang, ưh gơ̆h pơma nuh găh trong kơdŭn"; hơnơ̆ng hơlen năng, tơtom chă ƀôh păng hơmet pơ ‘lơ̆ng dôm tơdrong pơpmat tat, tơhlăk tăk tơ̆ rim tơdrong jang, mă loi jĭ hăm dôm tơdrong jang tih, kăl; chih hơdăh hơnăp jang hăm rim bơngai; năng tơdrong tơlĕch jên jang jĭ 1 lơ̆m dôm tơdrong gĭt kăl vă hơlen năng hơnăp jang đei pơjao lơ̆m rim sơnăm đơ̆ng dôm anih jang, khul grŭp, rim bơngai đei ƀơm truh.

Hơlen năng mă nhen đơ̆ng tơdrong hơmet tơdrong vă jang, tơlĕch jên truh rơih anih bơ̆ jang ming man, pơm hla ar, kla jên jang… hăm rim tơdrong jang. Anih tơm vei lăng trong nơnăm, dôm anih tơm, anih jang kơpal, tơring tơrang akŏm jơhngâm tơlĕch jang dôm tơdrong jang tơm, gĭt kăl kơ teh đak, tơ̆ tơring hơdai hăm đơt thi “500 măng năr pơhnŏng, adrin tôch ai, pơjei băl jang đang ‘lơ̆ng dôm tơdrong jang pơm trong gre kơdâu hrĕnh”.