Tơchĕng hơdrol ‘năr 25/3, ƀlep ƀơ̆t tơbăt 93 sơnăm Năr pơjing Khŭl hơdruh tơdăm Cộng sản Hồ Chí Minh (26/03/1931 - 26/03/2024), Thủ tướng vă tơƀơ̆p muh măt păng pơma dơnuh hăm hơdruh tơdăm hăm hơnăn”Hơtŏk hơnăp jang iung jang hơdrol đơ̆ng hơdruh tơdăm lơ̆m tơdrong jang tơplih kơsô̆ teh đak”.

Đei pơgơ̆r hăm trong kơtă, Tơdrong jang Thủ tướng tơƀơ̆p muh măt păng pơma dơnuh hăm hơdruh tơdăm sơnăm 2024 vă bơ̆jang kiơ̆ Luơ̆t Hơdruh tơdăm sơnăm 2020; hơdai hăm tơroi tơbăt jơ̆p jang truh hơdruh tơdăm dôm trong tơ jur jang, tơdrong tơgŭm đơ̆ng teh đak găh tơplih kơ sô̆ teh đak; hơtŏk hơnăp jang, jang tơnăp đơ̆ng hơdruh tơdăm lơ̆m tơdrong jang tơplih kơ sô̆ teh đak. Ƀlep ƀơ̆t ‘măng âu, Thủ tướng kŭm gô tơƀơ̆p muh măt, pôk pơ ư 10 ‘nu hơdruh tơdăm Việt Nam hơgei păng 10 ‘nu hơdruh tơdăm Việt Nam hơmĕng sơnăm 2023.