Chơt hơiă hơdai hăm kon pơlei tơ̆ tơring 8 lơ̆m Năr tơguăt đĭ đăng hơdrĕch hơdrung, Thủ tướng Phạm Minh Chính tang măt ăn kơdră chĕp kơ̆l Đảng, teh đak, pơtruh ăn đĭ đăng kon pơlei nơ̆r ‘lơ̆ng hơiă, nơ̆r jet gia pơma nuh păng hmach thơ thou ‘lơ̆ng hlŏh.

Thủ tướng Phạm Minh Chính hơpơi ‘mĕh păng lui, kon pơlei tơ̆ tơring 8 păng dêh char Lạng Sơn hơtŏk tơdrong mât 1 ƀơ̆r đon, ‘mêm băl lơ̆m kueng kơphô̆, thĭ trơ̆n, apŭng, dêh char, lơ̆m teh đak păng tơ̆ teh đak đe kiơ̆ đơ̆ng lơ tơdrong jang hơdăh ‘lơ̆ng. Kŭm hăm ‘nŏh jĭ bơ̆ jang ‘lơ̆ng tơdrong pơvei yoa "Đảng chĕp kơ̆l, Teh đak vei lăng, kon pơlei pơm tơ ‘ngla", hơtŏk tơdrong "tơplih ‘nao vă jang tŏk, gơh hơgei vă tŏk pran kơjăp, mât jang hơdai vă gơ̆h hiôk jơnap, mĭnh jơ hngâm đon vă gơ̆h đei dơ̆ng jơhngâm pran", bơ̆ jang kĕh jơnei rim tơdrong jang lơ̆m sơnăm 2024, pơih trong vă jang tŏk pran kơjăp tơ̆ hơnăp kơnh, tơdrong arih xa găh tơmam drăm, jơhngâm đon kơ kon pơlei sơnăm đơ̆ng rŏng kơjung ƀiơ̆ kơ sơnăm adrol.