Iung pơma tơ̆ Hop akŏm, Thủ tướng Phạm Minh Chính hôn bơnê kơtang hơnăn kơ Pơma dơnuh gĭt kăl lơ̆m khei năr apŭng plĕnh teh đei lơ tơdrong tơnap tap, tơdrong long; bơnê tơdrong ƀôh kang bang kơ̆l đơ̆ng rim pang jang hơdoi tơ̆ ‘măng pơma dơnuh, đơ̆ng noh atŭm hăm Việt Nam hơmet pơ ‘lơ̆ng jơhngơ̆m đon lui kiơ̆, pơtruh ăn jơhngơ̆m đon hưch hanh, pơjing jơhngơ̆m pran vă jang hơdoi kơtang lang să hloh dơ̆ng, jơnei hloh dơ̆ng.

Thủ tướng sơkơ̆t hơdăh tơplih ‘nao, tơchă păng pơjing rim jơhngơ̆m pran atŏk tơ iung ‘nao ‘noh trong jang ‘lơ̆ng hơ iă hloh păng kăl hloh kơ apŭng plĕnh teh hrei au; ưh kơ đei mĭnh teh đak ayơ, tơdăh oei hơnơ̆ng chĕp răk jang kiơ̆ trong yo lei tơnap mă atŏk tơ iung tĕnh koăng păng kơjăp ‘lơ̆ng.