Tơ̆ jơ tơ ƀâp, mih ma duch nă tơpôl bơngai Việt tơ̆ Qutar tơƀôh jơhngâm đon hơ iă tơ̆ hơnăp tơdrong jang tŏk pran đơ̆ng teh đak, tơdrong tơrek đơ̆ng kơdră chĕp kơ̆l Đảng, Teh đak hăm tơpôl bơngai Việt Nam oei xa tơ̆ teh đak đe pơma atŭm păng tơ̆ Qatar pơma hơdrô̆.

Thủ tướng Phạm Minh Chính ăn tơbăt, tơpôl bơngai Việt Nam tơ̆ teh đak đe đei dang 6 triu ‘nu, oei xa tơ̆ dang 130 teh đak. Thủ tướng hơpơi ‘mĕh kon pơlei hơnơ̆ng mât 1 ƀơ̆r đon, pơm kiơ̆ khôi luơ̆t tơ̆ teh đak ‘nŏh; pơnam jang xa; hơnơ̆ng vei kơjăp, tưk tơiung dôm kơjă kăp gĭt đơ̆ng jŏh ayŏ kơ dŏ xoang kơ hơdrĕch hơdrung. Thủ tướng teh đak pơma hơdăh, Đảng, Teh đak ling lang vei lăng tơdrong đei yoa trŏ luơ̆t tôch tơgăl ăn kon pơlei oei xa tơ̆ teh đak đe, athei Anih tang măt hơnơ̆ng tơrek truh, hơtŏk tơdrong pơvei hăm băl, vă Anih tang măt păng tơpôl bơngai Việt jing anih gơnang yoa tôch sơđơ̆ng mưh kon pơlei tơ ƀâp  pơmat tat.