Thủ tướng pơma hơdăh lơ̆m trong jang mơ̆t jang hơdai hăm apŭng plĕnh teh pơma atŭm păng mơ̆t jang hơdai mŭk drăm apŭng plĕnh teh pơma hơdrô̆, Việt Nam ling lang lăng ‘lơ̆ng tơdrong jang hơdai, tơgŭm đơ̆ng WTO. Kơdră dơnơm WTO – yă Ngozi Okonjo-Iweala hơlen lăng Việt Nam jĭ 1 tơdrong tơroi jơnei găh yak tŏk hơtŏk tơiung mŭk drăm - tơpôl; lăng ‘lơ̆ng jang hơdai đơ̆ng WTO hăm Việt Nam.

Găh bơngơ̆t truh đơ̆ng Thủ tướng, Kơdră dơnơm WTO roi tơbăt âu ki hlôi đei 1 khŭl joăt jang kơ Anih jang Châu Âu bơ̆jang hăm WTO, răp mơ̆ng nơ̆r tơgop đơ̆ng dôm teh đak tŏk bŏk hơtŏk tơiung păng WTO krao hơvơn tơgŭm ki thuơ̆t kăl hloh. Kơdră dơnơm roi tơbăt hơtuch khei 2/2024 gô đei Hop akŏm kơdră tơm kơ WTO găh tơdrong tơchơ̆t vei rơgoh ‘lơ̆ng tơmam sa păng vei lăng pơrang jĭ ‘long pơtăm - SPS păng ‘meh vă Việt Nam hơdrin vang truh akŏm.