Kon pơlei Việt Nam tơ̆ Ba Lan hrei ou đei dang 30.000 ‘nu, tơgop kơtang lơ̆m vei kơjăp, atŏk tơ iung tơgoăt tơgoăk joăt joe ‘lơ̆ng hơ iă, jang hơdoi lơ tơdrong ƀar teh đak. Ƀlep lơ̆m sơnăm ‘nao, tang măt ăn kơdră chĕp pơgơ̆r Đảng, teh đak, Thủ tướng pơtruh nơ̆r hmach chơt hơ iă ‘lơ̆ng liĕm hloh truh hăm kon pơlei Việt Nam oei tơ̆ Ba Lan. Thủ tướng tơbăt, lơ̆m ‘măng năm tơmang ou, gô vang năm ‘măng pơgơ̆r Puih mak pơlei pơla hmach chơt hơ iă Têt kon pơlei oei tơ̆ teh đak Ba Lan. Thủ tướng hlôi ‘măn lơ jơ tơl hơdăh dôm nơ̆r chă apĭnh, athei đơ̆ng kon pơlei; pơrô̆ athei Hơnih tơm jang tơbôl, rim hơnih bơ̆ jang ƀơm truh dăr lăng rim tơdrong tơchơ̆t đei ƀơm truh iŏk teh đak; pơtrŭt kơtang tơdrong pơtho nơ̆r Việt lơ̆m hnam trương hŏk tơ̆ Ba Lan. Thủ tướng tơbăt lơ̆m ‘măng năm tơmang, hlôi pơma dơnuh hăm Ƀok Kơdră tơm hăm Thủ tướng Ba Lan găh tơdrong pơtrŭt kơtang drơ̆ng kon pơlei Việt Nam ‘noh hơdrung tŏ sĕt bơngai, athei kon pơlei Việt Nam oei tơ̆ ou hăm Hơnih tang măt teh đak iung jang kơtang hloh dơ̆ng tơdrong ou.