Mă hơdăh, “5 tŏk” ‘noh: Tŏk tơdrong gơh yua păng tơmơ̆t đei asong tŏk iŏk jên, mă loi ‘noh jĭ anih mơdro sa păh lăp păng iĕ; tŏk ‘lơ̆ng joăt joe; tŏk ‘lơ̆ng trŏ luơ̆t; tŏk ‘lơ̆ng asong tŏk iŏk jên; tŏk tơdrong jang hơdai anih mong jên, anih mơdro sa; tŏk tơdrong vei lăng, pơgơ̆r; tơpăt, rơđăh, jên cheh hơvơn, ăn tŏk iŏk jên păng tơ jră tŏk iŏk jên tơ̆ ‘ngoăih hăm jên cheh lơ; hơtŏk loi dơ̆ng dăr hơlen, hơlen lăng, tang găn ưh kơ pŭn ai, tang găn dôm tơdrong ưh kơ ‘lơ̆ng.

“5 jur” ‘noh jĭ tơ jur jên cheh ăn tŏk iŏk; tơjur jên pơm hla ar tŏk iŏk; tơ jur hla ar hành chính; tơjur tơdrong pơjoăl pơm mơmat ăn kon pơlei; tơ jur ưh kơ ‘lơ̆ng, đei yua grŭp lơ̆m bơ̆jang asong tŏk iŏk jên. “5 tŏk pran ‘lơ̆ng” đei: tŏk pran ‘lơ̆ng găh kơ sô̆; tŏk pran ‘lơ̆ng găh pơvih pơvăn; tŏk pran ‘lơ̆ng găh bơngai jang; tŏk pran ‘lơ̆ng găh anih jang mong jên asong tŏk iŏk; tŏk pran ‘lơ̆ng găh pơyua ăn pơm tơlĕch, tĕch mơdro, pơm tơdrong jang sa ăn kon pơlei, tơgop ăn tŏk pran.