Thủ tướng tơchĕng ‘lơ̆ng, pôk pơ ư păng hơiă hăm dôm tơdrong jơnei gĭt kăl mă Đảng ƀô̆, khul kơdră pơgơ̆r, khul linh păng kon pơlei dêh char Hưng Yên hlôi iŏk đei lơ̆m khei ‘năr âu ki. Thủ tướng pơma hơdăh hơnăp jang gĭt kăl đơ̆ng Tơproh trong jang vă gơ̆h iŏk yoa ‘lơ̆ng rim tơdrong, atŭm hăm ‘nŏh oei tơlĕch nơ̆r athei, đon tơchĕng, tơdrong vă jang tơ̆m lơ̆m tơdrong tơproh trong jang.

Hăm đon pơhnŏng Tơproh trong jang truh sơnăm 2030, jing dêh char jang kơmăy kơmŏk ‘nao, đei anih jang mŭk drăm tih păng đon jang rơgei mât lơ̆m grŭp dơ̆ng hơdrol kơ teh đak; truh sơnăm 2050 jing plt găh Trung ương, plt rơgei, pơdrŏng ‘lơ̆ng rŏ. Thủ tướng athei, Hưng Yên adrin tơlĕch jang, chih hơdăh tơdrong tơproh trong vă jang. Bơ̆ jang ‘lơ̆ng trong atŏk tơiung dôm anih jang; akŏm lơ̆m tơdrong jang kơmăy kơmŏk ‘nao, kơmăy sô̆, unh điên, unh hơyuh, jang kơ khĭ, pơm tơlĕch tơmam xa, tơmam pơyoa ăn jang pơgang. Găh tơdrong choh jang xa, jang tŏk kiơ̆ trong rơgŏh ‘lơ̆ng, jang hăm kơmăy kơmŏk ‘nao, kơjăp đunh, đei yoa ‘lơ̆ng.