‘Nou ‘măng năm tơmang Việt Nam mă blŭng đơ̆ng Thủ tướng Lý Cường jô̆ đơ̆ng mă ƀar teh đak pơm hơtŏk tơgoăt tơgoăl jang hơdoi tôm tong, tơ iung pơjing Tơpôl tơbăt dih băl hơnô̆ hơnăp kơnh Việt Nam - Trung Quốc. Đei pơgơ̆r lơ̆m khei ‘năr tơgoăt tơgoăl dih băl iŏk đei lơ tơdrong hơ iă, ‘măng năm tơmang gô pơtrŭt kơtang hloh dơ̆ng jang hơdoi tơgoăt tơgoăl dih băl ‘lơ̆ng hơ iă kơ ƀar teh đak. Kiơ̆ trong vă jang, pơgê dơning (13/10) Thủ tướng Phạm Minh Chính gô pơm tơm pơm lêh sơng păng pơma đam hăm Thủ tướng Trung Quốc Lý Cường. Hơdrol kơ ‘noh lơ̆m gơmăng kơnh, Thủ tướng Trung Quốc Lý Cường gô truh kuh ka hla bat pơma dơnuh hăm Tổng bí thư, Kơdră chĕp pơgơ̆r Teh đak Tô Lâm.