Đơ̆ng rŏng mơ̆ng dôm nơ̆r tơgop đơ̆ng kơdră chĕp kơ̆l dôm anih tơm, anih jang tơring păng anih mơdro sa, pơma tơ̆ hop akŏm, Thủ tướng Phạm Minh Chính pơma hơdăh, tơdrong jang teh, hnam ‘noh jĭ 1 lơ̆m dôm tơdrong tơm kơ mŭk drăm, lăng kăl tơdrong vei lăng, tơiung ming anih tĕch mơdro năm hơdai hăm vei lăng ưh kơ pŭn ai.

Khŭl kơdră teh đak, Thủ tướng teh đak khŏm pơgơ̆r, yak hơdai hăm tơring, anih mơdro sa vă hơmet pơ ‘lơ̆ng mơmat tat ăn anih tĕch mơdro teh, hnam. Hơdai hăm ‘noh Thủ tướng pơjao kơ dôm anih tơm, anih jang đei ƀơm truh lăng kiơ̆ hơnăp jang đei pơ jao kơchăng hơmet pơ ‘lơ̆ng mơmat tat ăn anih tĕch mơdro teh, hnam găh tơdrong jang vei lăng; athei hơmet ‘lơ̆ng hăm dôm tơdrong đei ƀôh plơ̆ng, ưh kơ gơh jang.