Pơđou dơ̆ng dôm tơdrong jơnei gĭt kăl lơ̆m tơdrong jang tŏk đơ̆ng plt Hà Nội 9 khei sơnăm 2024, Thủ tướng teh đak tơchĕng ‘lơ̆ng, lơ̆m dôm tơdrong jơnei atŭm ‘nŏh, đei tơdrong tơgop tôch ‘lơ̆ng đơ̆ng vă jê̆ 700 ‘nu bơngai jang rơgei, “Bơngai ‘lơ̆ng, tơdrong jang ‘lơ̆ng”, dơ̆ng tang ăn dôm jĭt rơbâu ‘nu “Bơngai ‘lơ̆ng, tơdrong jang ‘lơ̆ng” tơ̆ anih tơm, mă loi jĭ 10 ‘nu bơngai rơgei đei pôk pơ ư jĭ “Kon pơlei Anih tơm rơgei” sơnăm 2024.

Kiơ̆ Thủ tướng, pôk pơ ư bơngai rơgei, “Bơngai ‘lơ̆ng, tơdrong jang ‘lơ̆ng” păng pôk pơ ư “Kon pơlei Anih tơm rơgei” sơnăm 2024 ‘nŏh jĭ tơdrong jang tôch gĭt kăl mưh pơgơ̆r ƀlep ƀât tơbăt 70 sơnăm năr Tơblăh iŏk rơngei Anih tơm, jĭ tơdrong pơlung, pôk pơ ư dôm bơngai jang đei jơnei ‘lơ̆ng hlŏh lơ̆m rim tơdrong jang, tơƀôh trong chong glung vă rim bơngai pơm kiơ̆, đei Kon pơlei tơ̆ Anih tơm păng kon pơlei lơ̆m teh đak lăp đon tơgŭm.