Tang măt ăn Hơnih tơm Chinh trĭ hlôi pơjao Tơdrong tơchơ̆t ăn Thượng tướng Nguyễn Duy Ngọc, Kơdră chĕp pơgơ̆r Ban Bí thư Lương Cường hmach chơt hơ iă păng athei lơ̆m khei năr au kơnh, ƀok Nguyễn Duy Ngọc tĕnh koăng  băt hơdăh tơdrong, lơ̆m au kăl lăng kơjăp tơdrong bơ̆ jang kơ Khul kơdră chĕp pơgơ̆r Trung ương Đảng, Hơnih tơm Chinh trĭ, Ban Bí Thư, ƀơ̆t măt, hơmet ăn ‘lơ̆ng Hop akŏm Trung ương 10 truh au kơnh.

Iung pơma tơ̆ sơng iŏk tơdrong jang Chánh văn phòng Trung ương Nguyễn Duy Ngọc pơma tơbăt jơhngơ̆m đon hôn bơnê đei sơng iŏk tơdrong tơchơ̆t đơ̆ng Hơnih tơm Chinh trĭ iŏk jang tơdrong jang ‘nao, sơkơ̆t hơdăh gô pơm kiơ̆ kơjăp tơdrong pơjao jang đơ̆ng hơnih jang, bơ̆ jang keh kong dôm tơdrong jang đei pơjao, mă đơ̆ng lơ̆m khei năr ayơ jei hơnơ̆ng hơdrin jang keh đang ‘lơ̆ng tơdrong jang đei Đảng, Teh đak păng kon pơlei pơjao ăn.