Hơ ƀơ̆l hloh 600 trang, kơ sâp hla ar ‘noh jĭ tơdrong akŏm păng rơih iŏk lơ ƀai chih, ƀai pơ đơ̆k, lơ hla ar kơ thơ tơƀôh tơdrong ‘mêm lui yom hăm ƀok Tổng Bí thư Nguyễn Phú Trọng đơ̆ng lơ lap rim răih kon pơlei păng bôl buăl apŭng plĕnh teh lơ̆m dôm trang hla ar tơroi điện tử, mạng tơpôl.

Kơ sâp hla ar đei 3 tơdrong: Tơdrong 1- Lui kơ jăp lơ̆m tơdrong chĕp kơ̆l, pơgơ̆r đơ̆ng Tổng Bí thư; Tơdrong 2- Tơdrong ‘mêm đơ̆ng kon pơlei lơ̆m teh đak ‘măn ăn Tổng Bí thư păng tơdrong 3- Tơdrong tơgŭm đơ̆ng bôl buăl apŭng plĕnh teh. Lơ̆m kơ sâp hla ar, hơdai hăm dôm ƀai chih găh jơhngơ̆m nuih mơng đơ̆ng bơngai chĕp kơ̆l, jĭ dôm ƀai chih tơroi găh tơdrong ‘mêm tơpăt, ưh kơ pơ rŏ đơ̆ng Tổng Bí thư hăm kon pơlei, bôl buăl păng pơ đĭ hloi mưh athei sek phak kang ƀô̆ pơm glăi. Lơ̆m kơ hrĕng ƀai chih, ƀai pơ đơ̆k thoi noh, dôm bơngai hŏk jrŭ, bơngai jang khoa hŏk, bơngai jang joh hơ ri hơ soang, kang ƀô̆, đảng viên, bơngai jang hlôi tơƀôh tơdrong kŭp yom hăm tơdrong tơdrong ‘mêm tơ păt hloh ‘măn ăn bơngai chĕp kơ̆l tih hloh kơ Đảng bơ̆n.