Daklak Innovation Hub ‘noh anih akŏm pơtơm pơm jang hơgei mă blŭng tơ̆ Đăk Lăk, minh tơdrong jang tơpôl, đei tơ-iung pơjing hăm tơdrong hơtŏk pơ-‘lơ̆ng tơdrong pơm jang, tơgŭm ăn dôm anih jang mŭk drăm tơplih ‘nao hơgei hloh păng hơtŏk mŭk drăm hơgei hloh tơ̆ tơring, jing anih akŏm tơƀơ̆p kơ dôm bơngai pơtơm iung jang păng anih asong jang, rim bơngai juăt jang, rim anih jang tơguăt hăm pơtơm pơm jang.

‘Nâu adoi jing gơng tơroh dôm tơdrong jang hơgei vă tơlĕch tơgŭm dôm anih jang mŭk drăm pơtơm tơdrong jang tĕch pơdro tơnăp hloh. Atŭm hăm noh, anih akŏm jang oei jing anih tơroi tơbăt ăn tơring, jing anih sơng đe tơmoi, rim anih asong jang ‘meh hơlen băt gah joh ayŏ, dah mă vang asong pơm jang tơ̆ Đăk Lăk. Ƀok Nguyễn Tuấn Hà, Phŏ Kơdră juăt jang kơ Anih jang vei lăng kon pơlei dêh char Đăk Lăk ăn tơbăt, hăm tơdrong kơchăng đơ̆ng anih jang mŭk drăm pơtơm iung jang, tơdrong mă âu pơtoi sơkơ̆t tơdrong hơtŏk tơ-iung ‘nao kơ tơdrong pơtơm pơm jang tơ̆ Đăk Lăk.