Đunh kơ âu 94 sơnăm, ‘năr 03/02/1930, Đảng Cộng sản Việt Nam đei pơjing, tơbăt khei ‘năr tôch gĭt kăl lơ̆m jơhnơr jang kăch mang kơ teh đak bơ̆n. Đơ̆ng rŏng vă jê̆ 40 sơnăm tơplih ‘nao, teh đak bơn jang đei lơ tơdrong jơnei tih tên, tôch kăp gĭt lơ̆m jơhnơr arih. Đơ̆ng 1 teh đak tơnuh hin, pơmat tat, Việt Nam đĭ tŏk jing teh đak oei vă tŏk pơdrŏng, tơdrong arih xa găh tơmam drăm păng jơhngâm đon kon pơlei roi tŏk ‘lơ̆ng.

Pơma tơ̆ jơ tơƀâp, Kơdră chĕp kơ̆l Ban Tuyên giáo Trung ương Nguyễn Trọng Nghĩa pơma hơdăh: Sơnăm 2024, vă jang ‘lơ̆ng hơnăp jang, tơdrong jang; hơnơ̆ng tưk tơiung hơnăp jang đơ̆ng Ban Tuyên giáo Trung ương hăm tơdrong tơiung pơjing Đảng, bơ̆n athei chĕp vei mă ‘lơ̆ng dôm tơdrong jơnei, ƀai hŏk gĭt kăl hlôi đei, hơmet ming dôm tơdrong tam mă pran ‘lơ̆ng. Ƀlep ƀât ‘măng mă âu, 4 ‘nu đảng viên lơ̆m Đảng ƀô̆ kơ Ban Tuyên giáo Trung ương iŏk đei grat tơbăt 40 sơnăm jang Đảng păng Grat tơbăt 30 sơnăm jang Đảng.