Pơma tơ̆ jơ tơƀâp, Tổng Bí thư, Kơdră teh đak Trung Quốc Tập Cận Bình pơma hơdăh, dôm trong jang tơbôl, jang hơdoi đơ̆ng kon pơlei 2 păh, lơ̆m nŏh đei tơdrong jŏh ayŏ kơ dŏ xoang, tơdrong pơvei đơ̆ng dôm tơring sơlam kơ 2 păh gô tơgop pơm hơtŏk jơhngâm đon ‘mêm băt băl, vang tơgŭm băl tơ̆hơnăp apŭng plenh tĕh oei hơnơ̆ng kơ tơplih, tơgop lơ ƀiơ̆ ăn tơdrong gơ̆h hơgei kơ kon bơngai.

Bơngai dơ̆ng tang ăn khul jang tơbôl păng jơhnơr mơlôh kơ 2 teh đak pơma hơdăh vă adrin đĭ jơhngâm, tơgop jơhngâm bơ̆ jang keh dôm tơdrong tơchơ̆t atŭm đơ̆ng dôm ƀok Kơdră chĕp kơ̆l 2 Đảng, 2 teh đak găh pơjing “tơdrong jang tơbôl pran kơjăp”, tơgop ‘lơ̆ng đei yoa vă tưk tơiung tơdrong pơvei jang tơbôl Việt Nam- Trung Quốc.