Trang kơtơ̆ng ang đei 7 tơdrong tơroi tơm păng 4 tơdrong tơroi anai, gơ̆h chă plôih lăng lơ̆m kmăi tĭnh, kmăi tinh kơƀang, điê̆n thoăi chĕp ti.

Trang kơtơ̆ng ang au chih tơmơ̆t dôm hla bơar chĕp pơrô̆ jang đơ̆ng Khul kơdră chĕp pơgơ̆r Trung ương Khul ƀô̆ đô̆i so truh hăm khul ƀô̆ đô̆i so dêh char, pơlei tơm păng rim ƀô̆ đô̆i so. Iung jang hơdoi pơrô̆ pơrôp jơnei, trong jang hơ iă lơ̆m pơting dih băl ‘mêm kơ eng teh đak kơ Khul Ƀô̆ đô̆i so Việt Nam; ƀô̆h, pôk bơnê, lang să dôm bơngai ‘lơ̆ng, tơdrong hơ iă, rim tơdrong jang gơ̆h hơgei đei iŏk yua kơjăp, dôm bơngai ‘nao jang ‘lơ̆ng lơ̆m khul ƀô̆ đô̆i so Việt Nam. Iung pơma tơ̆ pơm lêh, Thượng tướng Bế Xuân Trường, Kơdră chĕp pơgơ̆r Khul Ƀô̆ đô̆i so Việt Nam athei, Ƀăo Khul Ƀô̆ đô̆i so Việt Nam kăl akŏm chih tơbăt, pơrô̆ pơrôp truh hăm kang ƀô̆, rim bơngai lơ̆m khul păng kon pơlei rim tơdrong kăl, tơdrong pơting dih băl “Ƀô̆ đô̆i so pơm jŭk yŭk trong hơlau” tơgŭm djru dih băl xut xa pơngot rơvĕt tơjur dơnuh hin, chih tơbăt tơtom, tơpăt dôm tơdrong hơpơi ‘meh vă, dôm nơ̆r tơgop, tơƀôh tơbăt dôm kơtơ̆ng ang trŏ ƀlep ăn rim kang ƀô̆, ƀô̆ đô̆i so lơ̆m khul.