Tơ̆ jơ tơƀơ̆p, tang măt ăn Kơdră chĕp pơgơ̆r teh đak. Kơ iĕng Thủ tướng Lê Minh Khái pơtruh nơ̆r hmach chơt hơ iă ‘lơ̆ng liĕm hloh ăn đĭ đăng đe drŏ kăn Việt Nam, rim drŏ kăn hŏk jrŭ, khoa hŏk.

Kơ iĕng Thủ tướng Lê Minh Khái pơma hơdăh: vă hơnơ̆ng lăng ba kơjăp pơtrŭt rim jơhnơr dro kăn, lơ̆m au mă kăl khul drŏ kăn hŏk jrŭ hơdrin chă hŏk pơhrăm, tơchĕng hơlen, pơm hơtŏkbơ̆ jang gơ̆h hơgei, trŏ lăp ăn atŏk tơ iung mŭk drăm-tơpôl kơ teh đak, rim hơnih jang, rim tơring tơrang lăng hơnơ̆ng tơlĕch jang kiơ̆ kơtang, jang kiơ̆ jơnei tơdrong Tơchơ̆t Pơm lêh hop akŏm 13 kơ Đảng; Tơlĕch jang kiơ̆ ‘lơ̆ng rim tơdrog tơchơ̆t, Nơ̆r athei jang kiơ̆ đơ̆ng Trung ương Đảng, Hơnih tơm chinh trĭ, Ban Bí thư găh hơnơ̆ng tơ iung pơjing, hơtŏk hơnăp jang kơ khul drŏ kăn hŏk jrŭ tơgăl hăm tơdrong ‘meh vă atŏk tơ iung teh đak tĕnh koăng păng kơjăp ‘lơ̆ng lơ̆m jăl hle.