‘Nŏh jĭ tơdrong đei pơma tơlĕch tơ̆ jơ apinh jet păng tơl npơ̆r apinh jet lơ̆m hop akŏm mă 16 Jơnŭm pơgơ̆r kon pơlei dêh char Lâm Đồng jăl X ‘năr 12/7. Đơ̆ng blŭng sơnăm truh dang ei, dêh char Lâm Đồng sek tơlang 15 tơdrong, hăm 21 ‘nu bơngai đei ƀơm truh tơdrong asong đe tŏk iŏk jên hăm jên kon tôch lơ, tŏk 9 tơdrong pơting hăm khei âu sơnăm sơ̆.

Yă Cill Bri, bơngai tang măt Jơnŭm pơgơ̆r kon pơlei apŭng Di Linh (Lâm Đồng) tơroi, tơdrong asong tŏk iŏk jên hăm jên kon lơ oei đei tôch krê, ưh lăp dôm tơring kơdrâm đĕch mă oei mât truh tơ̆ pơlei pơla hơtăih yăih, tơring kon kông lơ̆m dêh char hloi. Tơ̆ hơnăp tơdrong ‘nŏh, athei anih công an hơtŏk hlŏh dơ̆ng tơdrong tang găn, phă hŭt tơdrong yoch ‘nâu. Vă hơtŏk tơdrong đei yoa mưh tang găn, sek tơlang bơngai yoch ăn đe tŏk iŏk jên hăm jên kon lơ tơ̆ Lâm Đồng, Đại tá Trương Minh Đương akhan, athei đei tơdrong vang mât jang hơdoi đơ̆ng rim anih jang chinh trĭ, tơdrong jang hơdoi hrơ̆ch ‘lơ̆ng đơ̆ng rim anih đei ƀơm truh.