Dêh char Dak Nông đei pơjing dơ̆ng lơ̆m năr 1/4/2004. Yak hloh 20 sơnăm tơ iung pơjing păng atŏk tơ iung, dêh char Dak Nông iŏk đei jơnei hơ iă lơ̆m rim tơdrong jang mŭk drăm-tơpôl, vei lăng sơđơ̆ng păng tơdrong hơrih sa ‘lơ̆ng kơ kon pơlei, yak hloh tơdrong dêh char dơnuh, hiơ hiơ̆ atŏk tơiug.

Akŏp tơmam drăm lơ̆m dêh char truh vă đĭ sơnăm 2023 jơnei 24.000 ti hlak jên, lơ hloh 12 ‘măng pơtêng hăm 20 sơnăm hơdrol; jang sa iŏk đei jô̆ hơtŏ măt bơngai hrei au đei hloh 60 triu hlak jên, lơ hloh 12 ‘măng pơtêng hăm lơ̆m khei ‘năr pơjing dơ̆ng dêh char. Tơbăt 20 sơnăm năr pơjing dơ̆ng dêh char sơkơ̆t hơdăh ‘noh jing tơdrong pơgơ̆r tôch gĭt kăl. Ƀlep lơ̆m jơ ‘năr au, dêh char tơlĕch rim tơdrong jang vă pơrô̆ pơrôp, pơtho tơbăt kơtang găh tơdrong joăt joe chăl sơnăm, hơrih sa ‘lơ̆ng kơ dêh char, pơm hơtŏk jơhngơ̆m đon hưch hanh hơmanh bơnê kơ hơdrech hơdrung, hơmet pơ ‘lơ̆ng jơhngơ̆m đon lui kiơ̆ yom kiơ̆ đơ̆ng rim răih kon pơlei lơ̆m tơdrong chĕp pơgơ̆r đơ̆ng Hơnih Đảng, khul kơdră chĕp pơgơ̆r dêh char Dak Nông.