Trong kơjung 128,8km, hăm kơsô̆ jên man hlŏh 25.500 ti, trong gre kơdâu hrĕnh Gia Nghĩa- Chơn Thành đei tơlĕch jang đơ̆ng sơnăm 2024, tơchĕng adrol gô jang đang lơ̆m sơnăm 2027 gô sek tơlang đei tơdrong hrăt đom găh trong nơnăm, pơjing tơdrong ‘lơ̆ng vă jang tŏk ‘nao, tưk tơiung mŭk drăm, tơpôl, vei lăng ‘lơ̆ng tơdrong sơđơ̆ng teh đak tơ̆ tơring Tây Nguyên păng Đông Nam Bộ. 

Ƀok Ngô Thanh Danh, Bí thư đảng dêh char, Kơdră chĕp kơ̆l Khul tang măt Quốc hội dêh char Đắk Nông pơma hơdăh, ‘nâu jĭ trong nơnăm tôch gĭt kăl hăm rim tơdrong jang mŭk drăm, tơpôl, khul linh, vei sơđơ̆ng păng rim tơdrong arih xa kơ tơpôl ưh lapw hơdrô̆ hăm Đắk Nông đĕch mă ăn jơ̆p tơring Tây Nguyên hai.