Tơ̆ ‘măng hop akŏm, hăm tơdrong rơngei hiôk hian, hơtŏ hơnơ̆ng, rim bơngai tang măt Hô̆i đŏng kon pơlei dêh char Đăk Lăk hlôi iŏk kơphĭu pôk hăm 29 ‘nu jang kơchư̆k kơpal kơyuơ Hô̆i đŏng kon pơlei dêh char jăl 10 pôk noh: Kơdră Hô̆i đŏng kon pơlei dêh char; Phŏ Kơdră Hô̆i đŏng kon pơlei dêh char; 4 Kơdră anih jang Hô̆i đŏng kon pơlei dêh char; Kơdră anih jang vei lăng kon pơlei dêh char; 3 Phŏ Kơdră anih jang vei lăng kon pơlei dêh char; 19 bơngai jang lơ̆m anih vei lăng kon pơlei dêh char.

Đơ̆ng noh đei iŏk lơ kơphĭu pôk jang (25 ‘nu đei iŏk kơphĭu pôk đơ̆ng 70% tŏk tơ̆ kơpal), ưh đei bơngai yơ đei 2/3 tang măt ưh đei pôk. Tơdrong iŏk kơphĭu pôk jang hăm bơngai jang kơchư̆k kơpal kơyuơ Hô̆i đŏng kon pơlei dêh char Đăk Lăk pơm kiơ̆ tơchơ̆t lơ̆m Tơchơ̆t 96/2023 kơ Kuôk hô̆i jăl 15.