Iung pơma pơgơ̆r blŭng a, ƀok Nguyễn Văn Hùng, Kơdră chĕp pơgơ̆r Hơnih tơm vei lăng Joh ayŏ kơdŏ soang Đă ƀŏng lŏng tơplŏng kơdau păng Tơmang pơhiơ̆ hlôi pơma tơbăt dơ̆ng 70 sơnăm Jơnei rơngei Điện Biên Phủ nuih mơng. Đơ̆ng noh sơkơ̆t hơdăh trong bơ̆ jang iung tơblăh trŏ lăp, gơ̆h hơgei đơ̆ng Đảng găh joh ayŏ, iung tơjră găh joh ayŏ, vei lăng teh đak vă atŏk kơtang jơhngơ̆m đon ‘mêm kơ eng teh đak, plang akau jăn kơ yuơ Teh đak đơ̆ng pơ đĭ hơdrĕch hơdrung Việt Nam nuih mơng.

Tơdrong pơgơ̆r joh hơri đunh truh 90 pơnĭt jơ hăm 3 tơdrong pơgơ̆r đei: Pơđĭ kon pơlei vang iung năm; Jơva nuih mơng pran kơtang anglŏ XX păng Hơnih pơkă rơngei hiôk hian. Đơ̆ng noh, tơƀôh hơdăh tơdrong kăp gĭt kơ jơnei “nuih mơng pran kơtang ang jơ va jơ̆p jang plĕnh teh”. Tơdrong pơgơ̆r au iŏk yua kmăi kmŏk gơ̆h hơgei, tơƀôh hơdăh đĭ đăng tơdrong iung tơblăh vang kơtang Điện Biên Phủ, pơjing đei tơdrong kăp gĭt kơtă tơ̆ kơdrăn tơblăh krưp krĕnh sơ̆ ki.