‘Nâu jĭ dôm khŭl pơlong đei rơih iŏk păng iŏk đei jơnei kơ jung lơ̆m tơdrong pơlong tơ̆ apŭng đei pơgơ̆r hơdrol ‘noh. Dôm khŭl gô yak hloh 3 tơdrong pơlong ‘noh đei kơkuh apĭnh, chă hơlen lăng tơdrong hlôh vao atŭm, hơmet pơ ‘lơ̆ng tơdrong đei ƀôh păng pơ long pơm tông krao hơvơn kon pơlei hơgei. Hăm dôm trong pơm tông, tơ̆ 1 tơdrong pơ long, dôm khŭl athei tơroi đei găh tơring, anih jang đảng, anih jang, bơngai jang lơ̆m khŭl; pơtôch bơ̆jang kiơ̆ tơdrong jang krao hơvơn kon pơlei tơ̆ tơring, anih jang.

Hơmet pơ ‘lơ̆ng tơdrong ƀơm truh tơgar băl teh, pơma ưh kơ lăp băl đei ƀôh lơ̆m yan âu tơ̆ tơring; tơdrong tơlĕch jang kiơ̆ trong jang tơgŭm kon kông, trong jang tơgŭm lui khop; tơdrong jang iŏk teh, hrŭ ‘mong lơ̆m iŏk pơ dreo teh; jang kiơ̆ tơdrong tơchơ̆t kon pơlei pơm tơm tơ̆ tơring; hơmet pơ ‘lơ̆ng dôm tơdrong tơkêng akŏm lơ bơngai, pơma sa lơ̆m anih jang păng pơma sa, tơƀơ̆p hăm kon pơlei.