Vă pơgơ̆r truh ‘năr 23-12, Tơdrong thi tơplŏng kơdâu ăn hŏk tro dêh char Gia Lai ‘măng mă âu sơng đei hlŏh 3.100 ‘nu bơngai thi đơ̆ng 69 khul truh đơ̆ng dôm apŭng, thĭ xăh, plt păng dôm Hnam trưng THPT lơ̆m dêh char. Dôm bơngai thi pơjei băl kiơ̆ 3 jăl hŏk ‘nŏh: Jăl mônh thi 4 môn, Jăl ƀar thi 12 môn păng Jăl pêng thi 11 môn. Dôm môn thi đei: Glơi, tĕh ƀŏng ƀan, păh ƀŏng lŏng, đă ƀŏng lŏng, tĕh sŏk iĕr, pơm cờ vua, tŭn ‘long, kơdâu, thi Karate, Vovinam, Taekwondo, dui băl. 

Pơma pơih blŭng, Kơdră Anih vei lăng pơtho pơhrăm, Kơdră Khul pơgơ̆r tơdrong thi tơplŏng kơdâu ăn hŏk tro dêh char Gia Lai Lê Duy Định pơma hơdăh: “Tơdrong thi tơplŏng kơdâu ăn hŏk tro ‘nŏh jĭ tơdrong kăl hlŏh lơ̆m tơdrong tơplŏng kơdâu đơ̆ng sơnăm hŏk tro, ‘nâu jĭ tơdrong pơtâp pơhrăm vă hơtŏk hơkâu jăn, jơhngâm pran, vang tơgop hơmet ming jơhngâm đon, bơ̆ jang đei yoa ‘lơ̆ng tơdrong pơtho pơhrăm tôm tơdrong ăn hŏk tro.”