‘Măng pơlong pơtơm blŭng đơ̆ng dang ei truh ‘năr 14/7/2024, akŏm lơ̆m 3 tơdrong, tơdrong hơgăt găh lơ: pơjing anih jang pran kơjăp găh chĭnh trĭ, đon tơchĕng, jơhngơ̆m ‘lơ̆ng, khŭl jang păng kang ƀô̆; bơ̆jang kiơ̆ hơnăp jang chĭnh trĭ iŏk đei ‘lơ̆ng, jơnei kơjung hloh; pơgơ̆r dôm tơdrong jang hơdăh ‘lơ̆ng, đei yua.

Kiơ̆ kơ ‘noh, đĭ đăng kang ƀô̆, khŭl lĭnh đei hlôh vao ƀlep, băt hơdăh ‘lơ̆ng đon tơchĕng, jang tơnăp hăm anih jang, ling lang iŏk păng jang đang hơgei hloh rim hơnăp jang đei pơjao. Vă jang kiơ̆ ‘măng pơjei băl, Anih jang Đảng - Anih tơm pơgơ̆r Khŭl lĭnh dêh char Dak Lak athei dôm anih jang, lăng hơlen pơđĭ tơdrong jang, hơnăp jang kiơ̆ trong tơlĕch jang sơnăm păng jăl jang hlôi băt hơdăh, kiơ̆ đơ̆ng noh, pơtrŭt anih jang bơ̆jang jang đang ‘lơ̆ng rim hơnăp jang đei pơjao, tơgop pơjing anih jang pran kơjăp tôm tơdrong ‘lơ̆ng hơgei.