Pơdă tơƀôh rup “Drŏ kăn hăm Điện Biên” ‘noh đei 3 tơdrong tơm: tơgop pơm đei Tơblăh jơnei Điện Biên Phủ; yua kơ mĭnh Điện Biên hơtŏk tơiung păng Điện Biên - hơnih pơkă kơ tơ̆ hơnăp kơnh. ‘Nâu jĭ tơdrong jang oei lơ̆m lơ tơdrong jang “Drŏ kăn lơ̆m teh đak lăng găh Điện Biên” ƀlep ƀơ̆t tơbăt 70 sơnăm tơblăh jơnei Điện Biên Phủ, vă pơm ‘lơ̆ng dơ̆ng dôm kŏng jang đơ̆ng rim răih drŏ kăn Việt Nam lơ̆m jơ̆p tơring kơ Teh đak tơgop kŏng, tơgop jơhngơ̆m pơm đei tơblăh jơnei Điện Biên Phủ gĭt kăl.

Lơ̆m kơsơ̆ 4/3, Khŭl vei lăng drŏ kăn dêh char Điện Biên kŭm hlôi tơlĕch jang tơdrong jang “Chhôk ‘nă Điện Biên - Drŏ kăn hơpơi ‘meh hơtŏk tơiung” păng pơgơ̆r Tơdrong pơlong trực tuyến “Chă hơlen lăng 70 sơnăm Tơblăh jơnei Điện Biên Phủ”. Tơdrong pơlong pơtơm blŭng đơ̆ng 4/3 - 30/4 hăm pơgơ̆r să, gô jing hơnih ƀlŏk hơdơ̆r gĭt kăl đơ̆ng mŏ oh, kang ƀô̆ jang lơ̆m khŭl găh tơdrong jơhnơr arih kăl, groi teh ƀĕnh tơdrong chhôk ‘nă Điện Biên Phủ nuih mơng.