Rim kơdră jang lơ̆m Hơnih bơ̆ jang Kuô̆k hô̆i drơ̆ng nơ̆r hăm tơdrong kăl vă hơmet ming rim tơdrong vă jang: Khôi luơ̆t tang găn tĕch mơdro bơngai (hơmet ming); Khôi luơ̆t Thuê̆ kơjă tŏk măt (hơmet ming); Khôi luơ̆t Hoă chơ̆t (hơmet ming); Khôi luơ̆t Vei lăng, iŏk yua ƀrơ̆m phao kơtoang, tơmam đôh păng tơmam pơyua (hơmet ming). Hla bơar hô sơ hlôi hơmet tôm, ƀlep tơdrong tơchơ̆t.

Kơdră chĕp pơgơ̆r Kuô̆k hô̆i Vương Đình Huệ akhan: rim tơdrong kơ tơdrong vă pơjing Khôi luơ̆t kăl trŏ lăp hăm Khôi luơ̆t pơjing hla bơar tơchơ̆t kơ khôi luơt. Rim tơdrong Tơchơ̆t găh Tơdrong jang tơ iung pơjing khôi luơ̆t, Khôi luơ̆t tơm teh đak kăl sơkơ̆t hơdăh trong bơ̆ jang chă tơchĕng hơlen, pơm pơkeh tơ iung pơjing Khôi luơ̆t. Hăm vă pơjing dơ̆ng trong jang ‘nao dăh mă đei hơmet ming, tơmơ̆t dơ̆ng trong jang, kăl hơlen mă brĕ dôm tơdrong đei ƀơm truh. Kơdră chĕp pơgơ̆r Kuô̆k hô̆i jei pơkă athei rim Hơnih tơm, hơnih jang, lơ̆m au đei Ƀô̆ Tư pháp pơchoh trong ăn Khul kơdră chĕp pơgơ̆r Teh đak kăl pơm dă ƀiơ̆ rim tơdrong vă jang pơtruh ăn Hơnih bơ̆ jang Kuô̆k hô̆i lăng hơlen, tơchơ̆t tơmơt dơ̆ng lơ̆m Tơdrong bơ̆ jang.