Tổng Bí thư, Kơdră chĕp pơgơ̆r teh đak Lào Thongloun Sisoulith sơkơ̆t hơdăh, tơdrong ƀok Lương Cường đei pôk tơmơ̆t jang kơchư̆k Kơdră chĕp pơgơ̆r Teh đak tơƀôh hơdăh tơdrong lui yom păng hôn bơnê kơ tang đơ̆ng Đảng, Teh đak păng Kon pơlei Việt Nam; lui kơjăp ƀok Lương Cường atŭm hăm rim kơdră chep pơgơ̆r Đảng, Teh đak gô chĕp pơgơ̆r teh đak păng Kon pơlei Việt Nam hơnơ̆ng iŏk đei jơnei ‘nao, tih tên hloh dơ̆ng lơ̆m ‘măng tơplih ‘nao. Tổng Bí thư, Kơdră chĕp pơgơ̆r Teh đak Lào hơpơi ‘meh vă jang hơdoi kơjăp hăm Kơdră chĕp pơgơ̆r Teh đak Lương Cường vă hơnơ̆ng tơgop pơm hơtŏk loi dơ̆ng tơgoăt tơgoăl gĭt kăl păng jang hơdoi tôm tong, joăt joe ‘lơ̆ng liĕm ƀar păh Đảng, Teh đak păng Kon pơlei ƀar teh đak roi năr roi atŏk tơ iung păng iŏk đei jơnei hơ iă, hơnhăk ăn đei iŏk yua kơjăp ăn kon pơlei adoi nhen kơ yuơ rơngei hiôk hian, sơđơ̆ng păng jang hơdoi kơ yuơ atok tơ iung tơ̆ tơring păng lơ̆m apŭng plĕnh teh.