Iung pơma tơ̆ jơ bơ̆ jang, Tổng Bí thư, Kơdră chĕp pơgơ̆r teh đak Tô Lâm hôn bơnê kơtang kơ Hơnih Đảng, Khul kơdră chĕp pơgơ̆r dêh char Quảng Trị hlôi tơgoăt tơgoăl, drơ̆ng mĭnh ƀơ̆r đon, hơdrin tơlĕch jang kiơ̆ tơdrong tơchơt Hop akŏm mă XIII kơ Đảng, păng Tơdrong tơchơ̆t hop akom Đảng dêh char ‘măng mă XVII, hlôi pơjing đei lơ Tơdrong tơchơt kăl, nơ̆r pơma pơtôch, nơ̆r athei jang kiơ̆, rim tơdrong jang, trong pơprŏ jang tơlĕch jang ... Quảng Trị tŏk mŭk drăm tĕnh koăng hloh pơtêng hăm jô̆ hơtŏ kơ lơ̆m teh đak; tơdrong pơjei kơ tơdrong jang mŭk drăm đei hơmet pơ ‘lơ̆ng; tơdrong hơvơn tơmơ̆t jên jang, thuê̆ ăn hơnih mong jên bơ̆ jang păng pơjing tơdrong jang roi năr roi tŏk kơtang, trong hnam roi năr roi tơmơ̆t jên jang ‘lơ̆ng, mă kăl trong nơnăm. Tơdrong oei sa joh ayŏ, pơtho pơhrăm, jang pơgang đei dêh char lăng kơjăp păng akŏm kon jên tơmơ̆t jang, bơ̆ jang vei lăng hơrih sa jang sa tơpôl, vei lăng năng tông bơngai dơnuh, bơngai tơnap tap lơ̆m tơpôl đei lăng kơjăp; jang kiơ̆ ‘lơ̆ng bơ̆ jang vei lăng năng tông kon kông, lui khop, tơgoăt tơgoăl hơdrĕch hơdrung.