Tơ̆ pơma dơnuh, ƀar ‘nu kơdră chĕp pơgơ̆r sơkơ̆t hơdăh, hơnơ̆ng lăng kơjăp păng pơm hơtŏk hloh dơ̆ng tơgoăt tơgoăl jang hơdoi gĭt kăl, drơ̆ng mĭnh nơ̆r ba jang hơdoi gĭt kăl Việt Nam-Phalăng tŏk kơtang hloh dơ̆ng; pơtrŭt kơtang jang hơdoi păng ăn khul kơdră ƀar păh Kuô̆k hô̆i ƀar teh đak chă tơƀơ̆p, pơma dơnuh dih băl dôm trong jang hơ iă, hơnhăk đei jơnei tơdrong jang kơ rim hơnih bơ̆ jang pơjing khôi luơ̆t kơ ƀar teh đak. Găh tơdrong lơ̆m tơring, ƀar păh pơma hơdăh tơdrong sơđơ̆ng rơngei hiôk hian, sơđơ̆ng dơ̆ng kơ jăp, duk gre chă kơdou sơđơ̆ng hiôk hian, pơma hơdăh tơdrong kăl kơ sek tơlang tơgar dih băl hăm trong rơngei hiôk hian trŏ lăp hăm khôi luơ̆t apŭng plĕnh teh, mă kăl Tơdrong pơkăp kơ Liên hợp quốc găh Khôi luơ̆t Đak dơsĭ sơnăm 1982.