‘Măng hop akŏm hlôi tơgop nơ̆r găh hla bơar chih tơbăt tơdrong jang, pơtôch jang kiơ̆ Tơdrong bơ̆ jang 6 khei blŭng sơnăm 2024 păng tơdrong jang kăl 6 khei hơtuch sơnăm 2024; tơbăt pơtôch chĕp pơgơ̆r, hơmet ming rim tơdrong pơm glăi găh lơ̆m Hơnih chĕp pơgơ̆r dăr lăng, pơrô̆ iung jang đơ̆ng rŏng ‘măng hop akŏm mă 25 kơ Hơnih chĕp pơgơ̆r truh dang ei; păng Hla bơar chih tơbăt pơtôch bơ̆ jang kơ Hơnih chĕp pơgơ̆r tang găn sa pơgơ̆m pơjĭp, pơm tơdrong glăi kơ dêh char 6 khei blŭng sơnăm 2024. Iung pơma tơ̆ Hop akŏm, Tổng Bí thư, Kơdră chĕp pơgơ̆r Teh đak Tô  Lâm-Kơdră Hơnih chĕp pơgơ̆r athei rim khul kơdră Đảng, hơnih Đảng, hơnih bơ̆ jang ưh kơ gơh pơm pơhơi, lăp đon hăm dôm tơdrong jang hlôi iok đei jơnei, mă lei kăl hơnơ̆ng tơlĕch jang kơtang, hrơ̆p mĭnh trong rim bơ̆ jang, kơrŭn đĭ ai, hơdrin đĭ ai iung tơjră tang găn sa pơgơ̆m pơjĭp, pơm tơdrong glăi kiơ̆ ƀlep trong tơlĕch jang “lang lang hơnơ̆ng, ưh pơdơ̆h, ưh kơ đei hơnih lon, mă đơ̆ng bơngai ‘noh bu; tơkêng mĭnh tơdrong glăi, jơ̆p tơring, jơ̆p hơnih jang ƀrêng ƀrang kơ đon”. Tổng Bí thư, Kơdră chĕp pơgơ̆r teh đak Tô Lâm lăng kơjăp truh 3 tơdrong athei: Tang găn sa pơgơ̆m pơjĭp, pơm tơdrong glăi kăl tơgŭm ăn atŏk tơ iung mŭk drăm-tơpôl; kăl đei tơlĕch jang truh hăm rim hơnih bơ̆ jang đảng, chi ƀô̆, kăl đei tơdrong dăr lăng kơjăp đơ̆ng kang ƀô̆, đang viên păng kon pơlei...