Năr 19/8, tơ̆ Cham să Kon pơlei, hơnih tơm Bắc Kinh, Trung Quốc, lơ̆m ‘măng năm tơmang Trung Quốc kiơ̆ nơ̆r krao hơvơn đơ̆ng Tổng Bí thư, Kơdră chĕp pơgơ̆r Trung Quốc Tập Cận Bình, Tổng Bí thư, Kơdră chĕp pơgơ̆r Teh đak Tô Lâm hlôi pơma dơnuh hăm Kơdră jang lơ̆m Hơnih tơm Chinh trĭ Trung ương Đảng Cộng sản Trung Quốc, Kơdră chĕp pơgơ̆r Chính hiệp teh đak Trung Quốc Vương Hộ Ninh. Tổng Bí thư, Kơdră chĕp pơgơ̆r Teh đak Tô Lâm pơma hơdăh, Đảng păng Teh đak Việt Nam lăng kăl tơdrong hơmet pơ ‘lơ̆ng păng atŏk tơ iung tơgoăt tơgoăl hăm Đảng păng teh đak Trung Quốc, lăng ‘nou jĭ trong rơih iŏk kăl, tơlĕch jang mă blŭng lơ̆m trong bơ̆ jang tơbôl; Việt Nam vei kơjăp trong jang “mĭnh Trung Quốc”, tơgŭm djru Trung Quốc atŏk tơ iung pran kơtang tih tên, jang kiơ̆ hơnăp jang kăl hăm rơngei hiôk hian, jang hơdoi păng atoưk tơ iung tơ̆ tơring păng lơ̆m apŭng plĕnh teh. Drơ̆ng nơ̆r hăm ‘meh vă păng tơlĕch ăn jang hơdoi đơ̆ng Tổng Bí thư, Kơdră chĕp pơgơ̆r teh đak Tô Lâm, Kơdră chĕp pơgơ̆r Chính hiệp teh đak Trung Quốc Vương Hộ Ninh pơma tơbăt jơhngơ̆m đon Trung Quốc ‘meh vă păng iung jang pơtrŭt kơtang tơƀơ̆p dih băl tơ̆ rim khul kơdră ƀar păh teh đak; pơtrŭt kơtang jang hơdoi rim tơdrong, atŏk kơtang hơnăp jang chĕp pơgơ̆r vang jang hơdoi kơ Hơnih chĕp pơgơ̆r jang hơdoi Trung Quốc – Việt Nam.