Tơ̆ jơ tơƀơ̆p muh măt, Tổng Bí thư, Kơdră chĕp pơgơ̆r Teh đak Tô Lâm tơbăt jơhngơ̆m đon chơt hơ iă đei tơƀơ̆p dơ̆ng rim ƀô̆ đô̆i so-dôm bơngai pơjing đei chăl sơnăm gĭt kăl, dôm bơngai ƀôh kang bang măt lơ̆m rim chăl phara dih băl kơ Sư đoàn 308. Tổng Bí thư, Kơdră chĕp pơgơ̆r teh đak Tô Lâm athei rim ƀô̆ đô̆i so Sư đoàn 308 ling lang vei kơjăp jơhngơ̆m đon ‘lơ̆ng “Ƀô̆ đô̆i Ƀok Hô”, hơnơ̆ng kiơ̆ yok rok jơ̆ng joăt joe kơ Hơnih Ƀô̆ đô̆i nuih mơng pran kơtang; pơm jŭk yuk trong hơlou jang kiơ̆ rim trong bơ̆ jang đơ̆ng Đảng, Teh đak, ling lang jing bơngai ‘lơ̆ng ăn ŭnh hnam, ăn kôn mon kon hơ ‘lơ̆p kiơ̆ yok rok jơ̆ng; hơdrin vang iung jang tơgop tơ iung pơjing khul Ƀô̆ đô̆i kơtoei, gơ̆h hơgei, hơbĕch hơbal, nuih mơng,pran kơtang; tơgoăt tơgoăl pôm nơ̆r ƀơ̆r đon hơmet pơ ‘lơ̆ng tơnap tap, tơgŭm djru dih băl, hăm jơhngơ̆m đon Ƀô̆ đô̆i so tơgum djru dih băl tơjur dơnuh, jang sa hơgei, tơgop atok tơ iung mŭk drăm-tơpôl kơ tơring.