Tang măt ăn dôm Kơdră chĕp kơ̆l Đảng, Teh đak pơre hla ar chih tơbăt lơ̆m jơ pơm lêh, Tổng Bí thư, Kơdră teh đak bơ̆n, ƀok Tô Lâm pơma hơdăh, 70 sơnăm âu ki lơ̆m tơdrong jang kăch mang ‘lơ̆ng hơiă đơ̆ng Đảng, đơ̆ng hơdrĕch hơdrung bơ̆n hăm tơdrong chĕp kơ̆l tôch rơgei đơ̆ng Ƀok Hô, đơ̆ng Trung ương Đảng păng Khul kơdră teh đak, Anih tơm Hà Nội hơnơ̆ng đei hơnăp jang, anih dơ̆ng gĭt kăl, tơklep kơjăp hăm dôm tơdrong jang kơtang nuih mơng, tôch hơiă kơ teh đak.

Tổng Bí thư, Kơdră teh đak bơ̆n ƀok Tô Lâm kŭm hơpơi ‘mĕh, tơ̆ hơnăp kơnh plt hơnơ̆ng akŏm jơhngâm, bơ̆ jang tơnăp ‘lơ̆ng, tưk tơiung jơhngâm đon tơiung pơjing Anih tơm Hà Nội mă tơgăl jĭ anih tơm dơnơm găh tơdrong jang chinh trĭ – vei lăng teh đak, anih jang tih găh mŭk drăm, joh ayŏ kơ dŏ xoang, pơtho pơhrăm, khoa hŏk, kơmăy kơmŏk păng mât jang hơdoi hăm apŭng plenh teh; tơring kơdrâm gơ̆h hơgei, rơgŏh, ‘lơ̆ng rŏ.