Kơsơ̆ 9/8, Tổng Bí thư, Kơdră teh đak Tô Lâm chĕp kơ̆l khŭl bơ̆jang Trung ương truh năm ngôi păng pơgơ̆r jơ bơ̆jang hăm Khŭl chĕp kơ̆l pơgơ̆r Anih jang Đảng pơlei tơm Hà Nội găh tơdrong bơ̆jang kiơ̆ Tơdrong tơchơ̆t Hop akŏm 13 kơ Đảng păng Hop akŏm Đảng bộ pơlei tơm Hà Nội ‘măng mă 17 jăl jang 2020-2025, tơdrong vei kơjăp, tơlĕch bơ̆jang kiơ̆ tơdrong tơchơ̆t 35 ‘năr 14/6/2024 đơ̆ng Anih tơm Chĭnh trĭ găh Hop akŏm Đảng bộ rim tơring yak truh Hop akŏm bơngai tang măt lơ̆m teh đak ‘măng mă 14 kơ Đảng.

Tơroi găh tơdrong jang tơ̆ hơnăp kơnh, Tổng Bí thư, Kơdră teh đak Tô Lâm athei, pơlei tơm kăl mă kơtang akŏm tơlĕch jang lơ trong jang pran kơtang jang đang hrĕnh hăm iŏk yua ‘lơ̆ng hloh, lơ̆m noh jang đang hrĕnh dôm tơdrong hơgăt, trong tơlĕch jang hlôi tơlĕch ăn lơ̆m tơdrong Tơchơ̆t Hop akŏm Đảng bộ pơlei tơm ‘măng mă 17 jăl jang 2020-2025. Tổng Bí thư, Kơdră teh đak Tô Lâm athei pơlei tơm Hà Nội akŏm iŏk yua jơnei rim kon jên vă hơtŏk tơiung; iŏk mŭk drăm anih kơdrơ̆m pơm tơdrong ‘lơ̆ng, tơklep hăm hơtŏk tơiung joh ayŏ, pơjing bơngai Hà Nội rơhau hơgei, tơklep hơdai hơnih hơtŏk tơiung đơ̆ng anih kơdrơ̆m păng tơring tơrang kiơ̆ trong ‘nao, hơgei, hơdrin jing pơlei tơm tơgoăt hơdai jơ̆p plĕnh teh.