Pơgê ‘năr 18/8, lơ̆m năr bơ̆ jang mă blŭng kơ ‘măng năm hơpong, Tổng Bí thư, Kơdră teh đak Tô Lâm hlôi pơma nuh hăm ƀok Hoàng Khôn Minh, Bí thư Đảng dêh char Quảng Đông. Đơ̆ng rŏng kơ ‘nŏh, Tổng Bí thư, Kơdră teh đak Tô Lâm tơƀâp bơngai tang măt khul jang tơbôl Trung Quốc tơ̆ plt Quảng Châu. Drâm kơsơ̆ ‘năr 18/8, tơ̆ Bắc Kinh, Tổng Bí thư, Kơdră teh đak Tô Lâm năm ngôi, bơ̆ jang hăm Anih tang măt ăn Việt Nam tơ̆ Trung Quốc.

Tổng Bí thư, Kơdră teh đak Tô Lâm athei, Anih tang măt ăn Việt Nam hơnơ̆ng tơlĕch jang đei yoa hlŏh dơ̆ng dôm trong jang hơdoi hlôi đei dang ei đơ̆ng 2 teh đak; tơlĕch dôm trong jang hơdoi ‘nao mă lăp hăm rim tơdrong tơ̆ yăn âu kơ 2 teh đak, hơnhăk ba tơdrong đei yoa ăn 2 teh đak, lăp hăm khôi luơ̆t apŭng plenh teh, yoa tơdrong rơngei păng jang tŏk; hơnơ̆ng pơm hơtŏk tơdrong pơvei jang hơdoi đơ̆ng 2 teh đak, hơtŏk dôm tơdrong pơvei ăn kon pơlei.