Apĭnh jet gia tơdrong hơrih sa, oei sa đơ̆ng kang ƀô̆, kon pơlei, rim khŭl lĭnh lơ̆m apŭng achon đak dơsĭ, Tổng Bí thư, Kơdră teh đak pôk pơ ư, lăng ‘lơ̆ng păng pơ ư kơ dôm tơdrong tơgop đơ̆ng dôm jơ hnơr kang ƀô̆ khŭl lĭnh păng kon pơlei tơ̆ Achon đak dơsĭ lơ̆m kơplăh pơjing păng vei lăng teh đak.

Tơ̆ hơnăp kơnh, Tổng Bí thư, Kơdră teh đak athei hơnơ̆ng hơmet ming vei lăng sơđơ̆ng achon đak dơsĭ, lăng kăl tơdrong tơklep hơdai găh vei sơđơ̆ng teh đak đơ̆ng Cồn Cỏ păng dôm achon đak dơsĭ nai. Hơdai hăm, vei lăng mă ‘lơ̆ng tơdrong hơrih sa tơmam drăm păng jơhngơ̆m đon đơ̆ng kang ƀô̆, khŭl lĭnh, kon pơlei hơrih păng jang sa tơ̆ achon đak dơsĭ, vei lăng tơdrong hiôk hŏk pơhrăm păng vei lăng pơgang tôm ăn kon pơlei. Ƀlep ƀơ̆t ‘măng âu, Tổng Bí Thư, Kơdră teh đak Tô Lâm hlôi pơjao lơ tơmam ăn kon pơlei , rim khŭl lĭnh tơ̆ apŭng achon đak dơsĭ, gơih truh dôm tơdrong ‘mêm mơnat ‘lơ̆ng hơiă đơ̆ng groi kông.