Đơ̆ng rŏng dôm bơngai jang lơ̆m Khŭl pơma dơnuh, ăn tơgop nơ̆r găh tơdrong lơ̆m hla ar chih pơtruh ăn tơ̆ ‘Măng hop akŏm, pơma pơtôch, Tổng Bí thư, Kơdră teh đak Tô Lâm, Kơdră Khŭl rơih bơngai jang Hop akŏm XIV kơ Đảng tơroi rơđăh, hơnơ̆ng vei kơjăp, drơ̆ng nơ̆r hlôh vao găh anih dơ̆ng, tơdrong ‘lơ̆ng, hơnăp jang, tơdrong gĭt kăl đơ̆ng tơdrong jang rơih bơngai jang păng hơmet ăn bơngai jang Hop akŏm XIV kơ Đảng; iŏk pơtăl đon tơchĕng, trong vă jang tih păng hơdăh đơ̆ng nhap ƀok Tổng Bí thư Nguyễn Phú Trọng, sơ̆ pơm Kơdră Khŭl rơih bơngai jang tơ̆ ‘Măng hop akŏm mă mônh.

Mă loi ‘noh, athei iŏk yua pơtôch bơngai jang lơ̆m Khŭl chĕp kơ̆l pơgơ̆r Trung ương Đảng jăl XIII vă pơm tơdrong ‘lơ̆ng gĭt kăl pơjing trong jang rơih bơngai jang Hop akŏm XIV kơ Đảng.